Ukraynanın əks-hücumunun əsas zərbəsi hələ qabaqdadır və Kiyev bəzi rezervlərini hələ də döyüşlərdən kənarda tutur.

Yenixeber.org:  Bunu Ukrayna müdafiə nazirinin müavini Anna Malyar dövlət televiziyasına müsahibəsində deyib.

“Bizim əsas hadisələrimiz hələ qabaqdadır, əsas zərbə hələ qabaqdadır. Əslində, əsas rezervlərdən bəziləri daha sonra (döyüşlərə) cəlb ediləcək”.

Malyar Ukrayna qüvvələrinin hər gün irəliləyiş əldə etdiyini qeyd edib:

“Bəli, bu, tədricən olur, amma bizim qoşunlarımız cəbhədə mövqelər ələ keçirirlər və özünəinamla irəliləyirlər”.

Anna Malyar qeyd edib ki, Rusiya cəbhənin şərq və cənub hissəsi boyunca hava desant bölmələri göndərərək öz qüvvələrini gücləndirir. Əlavə edib ki, Rusiyanın şərqə yerləşdirdiyi yeni rezervləri Ukrayna xəttini yarmağa cəhd göstərsələr də uğursuzluqla üzləşiblər.

Nazir müavini ötən bir həftə yarım ərzində Kupyansk və Liman ərazilərində şiddətli döyüşlərin getdiyini, Rusiyanın bu istiqamətdə Ukrayna müdafiə xəttini yarmağa çalışdığını, lakin Ukrayna müdafiəçilərinin “düşməni” dayandırdığını qeyd edib.

O bildirib ki, Rusiyanın bu bölgələrdəki genişmiqyaslı hücumu ona böyük itkilər verdirib.

Anna Malyar hücum əməliyyatlarının plan üzrə getdiyini, indidən qiymətləndirmə aparmağın hələ tez olduğunu qeyd edib.