AZ
RU
Daha bir ölkə koronavirus qadağalarını ləğv etdi
Cənubi Koreya koronavirusla əlaqədar 3 il əvvəl tətbiq olunan qadağaları ləğv edib.
Yenixeber.org:Bu barədə operativ qərargahın iclasında Cənubi Koreya Prezidenti Yun Sok Yol məlumat verib.
O qeyd edib ki, COVID-19 virusunun “ciddi xəstəlik” statusu “xəbərdarlıq” səviyyəsinə endirilib.
Yeni qərar koronavirusa yoluxanları 7 günlük məcburi karantinə cəlb olunmaqdan azad edir. Yoluxanlara 5 günlük könüllü özünütəcrid tövsiyə olunur.
Bundan əlavə, qapalı məkanlarda qoruyucu maska taxmaq qaydası da ləğv olunub.
Xatırladaq ki, mayın 5-də Ümumdünya Səhiyyə Təşkilatı (ÜST) COVID-19-la bağlı fövqəladə vəziyyətin başa çatdığını elan edib.
.jpg)