AZ
RU
Borell Rusiyanın əks-hücumunun başladığını bildirib -Ukraynada hərbi vəziyyət son dərəcə narahatedicidir
Bu gün Ukraynada hərbi vəziyyət son dərəcə narahatedicidir. 360 000-dən çox rus əsgəri var. Bu, müharibədən əvvəlki rəqəmdən iki dəfə çoxdur.
Yenixeber.org: Bunu Avropa İttifaqının Xarici siyasət və Təhlükəsizlik üzrə ali nümayəndəsi Cozep Borrell Avropa Parlamentinin plenar sessiyasında çıxışında deyib.
“Kiçik miqyasda da olsa, Rusiyanın əks-hücumu başlayıb. Ukrayna ilk dəfədir ki, ən çox əsgər sayı ilə bağlı üstünlüyünə malik deyil. Buna görə də Ukrayna Aİ-nin üzv dövlətlərinə və bu ölkəyə kömək edən hər kəsə çağırış etməkdə davam edir. Biz dünən Ramşteyn çərçivəsində Ukraynaya hərbi yardımı koordinasiya edən ölkələrlə görüşdük. Görüşdə Ukraynanın nəyə ehtiyacı olduğunu, bizim nə verdiyimizi və nələr verə biləcəyimizi, xüsusilə də daha çox döyüş sursatı və əsgərlər üçün daha çox təlimlər barədə müzakirə apardıq. Ukraynaya dəstəyimizdən vaz keçməyəcəyimizi göstərməliyik.
Sülhə nail olmaq üçün biz Ukraynaya əlimizdə olandan daha çox hərbi dəstək verməliyik. Bu mənim əsas mesajlarımdan biridir. Sülh qazanmaq üçün əvvəlcə müharibədə qalib gəlmək lazımdır”, - Borrell qeyd edib.
.jpeg)
