AZ
RU
“Heç bir ölkənin İraqı bölməsinə imkan verməyəcəyik”
İraq xalqının gələcəyini yalnız bu xalq özü müəyyənləşdirə bilər. Biz heç bir ölkənin İraqda ixtilaf salmasına və ya bu ölkəni bölməsinə imkan verməyəcəyik!
"Xeberinfo.com": Salamnews-un "Al Alam" televiziya kanalına istinadla verdiyi xəbərə görə, bunu İran prezidenti Həsən Ruhani paytaxt Tehranda iraqlı həmkarı Fuad Məsumla birgə keçirdiyi mətbuat konfransında bəyan edib.
Xatırladaq ki, ABŞ Konqresi cari ayın əvvəlində İraqın üç qüvvə - şiələr, sünnilər və kürdlər arasında bölünməsi ilə nəticələnəcək qanun layihəsini müzakirəyə çıxarıb.
Sözügedən qanun layihəsində kürdlərə və sünni qəbilələrinə İraqdakı mərkəzi hökumətin xəbəri və razılığı olmadan silah verilməsinin mümkünlüyü yer alır.
Qeyd edək ki, İraqın Kürdüstan Muxtariyyətinin lideri Məsud Bərzani bundan əvvəl dəfələrlə Kürdüstanın hökmən müstəqil olacağını ehtiva edən bəyanatlar verib.
.jpg)
