Redaktor seçimi
MAFİOZ, XEYRİYYƏÇİ, YOXSA SİYASİ OYUNBAZ?! –
Samir Şərifovun Zərdabdakı kadrına ittiham-
“Canavar imkanı”-
“Qatil klinika” adı qazanan “Modern Hospital”:
NEFTİN QİYMƏTİNƏ YALNIZ 3 NƏFƏR NƏZARƏT EDİR! –
Yanğın... Mesaj... Sual...-
RUSİYA DOLLARIN BUXOVUNDA! –
Günün xəbəri

ABŞ KONQRESİNDƏN TÜRKİYƏYƏ YENİ ZƏRBƏ –Qardaş ölkəyə maliyyə yardımını əngəlləyən qanun hazırlanır

Sərdar TURQUT,

“Habertürk”ün Vaşinqton təmsilçisi

 

Yenixeber.org: Konqresin Türkiyə əleyhdarı olan 6 üzvünün Türkiyəyə qarşı maliyyə əməliyyatı həyata keçirmək üçün Maliyyə Nazirliyilə əlaqəli şəkildə yeni qanun layihəsi hazırladığını cümə axşamı günü ölkəmizlə bağlı olan digər bir işi izləmək üçün getdiyim Pentaqondan çıxarkən öyrəndim. Bir az sonra layihənin mətnini də aldım.

Turkey International Financial Institutions Act (“Türkiyə Beynəlxalq Maliyyə İnstitutları Qanunu”) adlı qanun layihəsinin arxasında hansı gizli əlaqələrin olduğunu anlatmadan öncə, bu layihənin məqsədinin nə olduğunu açıqlamaq istəyirəm.

Bu layihə ABŞ Maliyyə nazirinə beynəlxalq maliyyə yardımı edən və ölkələrə kredit açan qurumlara “Türkiyəyə yardım etməyin və kredit açmayın!” çağırışı etmək yolunu açır.

Prosesin necə işləyəcəyi layihənin 3-cü səhifəsində belə anladılır: Maliyyə naziri Dünya Bankı Qrupundakı (World Bank Group) Amerikan icraçı direktorunu çağırıb, “Türkiyəyə kredit açmağı düşünən qurumdakı Amerika vəzifəli şəxslərini, eyni zamanda digərlərini razı sal, bu kreditin açılmasını əngəlləsinlər” deyəcək.

Türkiyəyə pul və kredit verməsi ehtimalı olan hansı qurumun adı çəkilərsə, bu, hər dəfə təkrarlanacaq.

Yəni, anlayacağınız odur ki, bu layihə sabah qanun halına gələrsə, Türkiyəyə kredit verilməsinin həmən qadağan edilməsi mənasına gəlmir.Sadəcə olaraq, ABŞ digər ölkələrin həmin qurumdakı nümayəndələrini razı salma prosesinə başlayacaq və bunu bacararsa, kreditin açılması əngəllənə biləcək.

Mütəxəssislər ABŞ-ın o cür qurumlarda ən çox pul verən, ən güclü ölkə olduğunu nəzərə alaraq, digər ölkə nümayəndələrinin razı salınması işində çətinlik çəkəcəyini düşünmürlər.

 

Gizli yevangelist əlaqə

 

Türkiyəyə qarşı nəzərdə tutulan bu oyunun təməlində nələrin yatdığını araşdırdıqda, yenə təxmin etdiyim kimi, Prezident Trampın ətrafını sarmış olan yevangelist-neokon qrupun olduğunu gördüm.

Maliyyə naziri Stiven Mnuçin ABŞ səfirliyi Qüdsə köçürülən gündən bu yana, Türkiyəyə qarşı çox əsəbidir və Vaşinqtonda öz ətrafına “Bir fürsət düşə, Türkiyədən hesab soruşam” dediyi məlumdur.

Mnuçin də yevangelistdir. O, ABŞ səfirliyinin Qüdsə köçürülməsi mərasiminə yevangelistlərə və Trampa pul buraxan, qumarxana şəbəkəsinin sahibi olan milyarder iş adamı Şeldon Adelson ilə birlikdə getmişdi.

Prezident Ərdoğan çox haqlı olan və ABŞ-dan başqa bütün dünyanın hörmətini qazanan çıxışı ilə bu hadisəyə qarşı üsyan etmiş və edilən haqsızlığı var gücü ilə qınamışdı. Adelson və nazir Mnuçin Ərdoğanın bu çıxışına qarşı nə isə etmək istəyirdi. Yekunda həmin qanun layihəsilə bu işə girişdilər.

 

Bəs o kimdir?

 

İndi də Mnuçinin, qanun layihəsində deyildiyi kimi, qadağanetmə təlimatını vermək üçün yanına çağıracağı şəxsin kim olduğuna baxaq.

Qanun layihəsində onun Dünya Bankı Qrupunun icraçı direktoru(Executive director of the World Bank Group) olduğu bildirilir. Adı da Erik Betheldir. Vaşinqtonda fanatik yevangelist baxışları ilə tanınır. O kəsimin içində baby Jesus” (“körpə İsa”) adlandırılan bir məktəb varmış, o da bunlardanmış.

Yəni, anlayacağınız odur ki, bu qanun layihəsi qəbul olunarsa, Türkiyəyə qarşı onu İsrail tərəfdarı olan iki yevangelist tətbiq edəcək.

Tərcümə Strateq.az-ındır

шаблоны для dle 11.2

Xəbər lenti

Reklam

Sorğu

    
     

    Saytımızı bəyəndiniz?