AZ
RU
.jpg)
Deputat mandatı təhvil verib biznesə keçir-Rəfail Cəbrayılovdan söhbət getmir
Milli Məclisin deputatı Rəfail Cəbrayılovla bağlı qalmaqal növbəti dəfə Azərbaycan deputatlarının etikaya və qanuna əməl etməsi ilə bağlı məsələni aktuallaşdırıb.
Yenixeber.org: Belə ki, qanuna görə deputat biznes və digər gəlir gətirən sahələrlə məşğul ola bilməz, pedaqoji fəaliyyət istisna olmaqla. Deputat Cəbrayılov isə digər həmkarları kimi nəinki biznesmendir, üstəlik o deputat mandatını girov qoyub sələmçidən 300 min dollar da götürür. Və geri qaytarmır.
Gürcüstanda isə tərsinədir. Orada deputat mandatı hesabına pul qazanmırlar və mandatı girov qoymurlar. Bizneslə məşğul olmaq istəyənlər mandatını təhvil verirlər, sonra bu işə girirlər. Ötən həftə hakim “Gürcü arzusu-demokratik Gürcüstan” partiyasından deputat Arçil Talakvadze mandatını təhvil vermək üçün ərizə təqdim edib. Səbəbi isə budur ki, Talakvadze biznesə keçmək istəyir. Talakvazdenin ərizəsinə parlamentin iclasında baxılacaq.(virtualaz)
