AZ
RU
Bu ölkə rus turistlərə yazılı zəmanət vermədi
Tiflis yazılı şəkildə rusiyalı turistlərin təhlükəsizliyi ilə bağlı hüquqi zəmanət verməyəcək.
Yenixeber.org: “RİA Novosti”nin xəbərinə görə, bu barədə Gürcüstan Xarici İşlər nazirinin müavini Aleksandr Xvtisiaşvili bəyan edib.
Xvtisiaşvilinin fikrincə, Gürcüstan həmişə rusiyalı turistlərin təhlükəsizliyini təmin edib və bunun üçün heç bir yazılı təsdiq lazım deyil.
Nazir müavini təhlükəsizlik zəmanətlərinin yazılı formada verilməsini “anormal” adlandırıb. Onun sözlərinə görə, son beş ildə rusiyalı turistlərlə heç bir hadisə baş verməyib.
“Bunu rusiyalı turistlərdən soruşa bilərsiniz”, - o deyib.
Qeyd edək ki, Gürcüstanda iyunun 20-də Tiflisdə minlərlə insanın iştirakı ilə etiraz aksiyaları başlayıb. Aksiyalara səbəb Parlamentlərarası Pravoslav Assambleyasının Tiflisdə keçirilən 26-cı sessiyasının plenar iclasına Rusiyanı təmsil edən kommunist Sergey Qavrilovun sədrlik etməsi oldu.
Etirazlar zamanı polislə toqquşmalar nəticəsində 200-dən çox insan xəsarət alıb.
.jpg)
