AZ
RU
.png)
Zəhərli ayaqqabı təhlükəsi
Türkiyə Gömrük və Ticarət Nazirliyi kanserogen (xərçəng xəstəliyi yaradan) maddə ehtiva edən ayaqqabıların fotolarını yayıb.
"Xeberinfo.com": Məlumata görə, nazirlikdən bildirilib ki, lazımlı testlərdən keçə bilməyən və daxili bazara gətirilməsi qadağan olan ayaqqabıların marka və modelləri, həmçinin formaları təsbit edilib.
Türkiyə Gömrük və Ticarət Nazirliyi qeyd edib ki, sözügedən ayaqqabılara bağlı görüntülər vətəndaşları məlumatlandırmaq üçün yayımlanır:
"Bu məhsullardan satın alan və ya hər hansı bir mağazada satışa çıxarıldığını görən vətəndaşlar aidiyyatı orqanlara müraciət etsinlər. Nazirlik məsələ ilə bağlı yoxlamaları davam etdirir. Araşdırmalar bitdikdən sonra nəticələr ictimaiyyətə açıqlanacaq", -deyə nazirlikdən bildirilib.
