Xəbər verdiyimiz kimi, dünən Almaniyanın Uersbaden vilayətində polis bölməsinin qarşısında Türkiyə prezidenti Rəcəb Tayyib Ərdoğanın heykəli qoyulmuşdu.

Yenixeber.org: Heykəl şəhərdə böyük səs-küyə səbəb olub və geniş mübahisələr doğurub.

Həm Ərdoğana simpatiyası olanların, həm də ona qarşı çıxanların heykəlin ətrafına toplaşması şəhərdə təhlükəsizliyi təhdid altında qoyub. Alman Birliyi Meydanında ucaldılan heykəl hücuma məruz qaldıqdan sonra gecə oradan götürülüb.

Festival əsnasında insanların heykəllərinin ucaldılmasına icazə verildiyini, ancaq Ərdoğanın heykəlinin ucaldılacağı barədə məlumatsız olan şəhər bələdiyyəsi tvitterdən açıqlama verib:

“Şəhər bələdiyyə sədri Sven Qeriç və təhlükəsizlik müdiri Oliver Frans əyalət polis təşkilatı ilə birlikdə təhlükəsizliyi daha da çox təmin etmək üçün heykəlin götürülməsinə qərar verib. Bu qərar bələdiyyə məclisinin müzakirələrində əldə edilən nəticə ilə eynilik təşkil edir”.

Qeyd edək ki, şəhər polisi heykəlin ətrafında yaranan mübahisələrin silahlı insidentə çevrildiyini açıqlayıb.(publika)

Zümrüd