AZ
RU
Fətullah Gülən Ərdoğana səs verənləri təhqir etdi
Gülən ad çəkmədən Ərdoğan tərəfdarlarını “satqınlar” adlandırıb
"Xeberinfo.com": “Gülən camaatı”nın lideri Fətullah Gülən Türkiyədə prezident seçkilərində Rəcəb Tayyib Ərdoğanın qalib gəlməsi ilə bağlı sərt açıqlamalar verib.
ANS PRESS-in məlumatına görə, “Gülən camaatı”nın dəstəklədiyi Ekmələddin İhsanoğlu seçkilərdə məğlub olduqdan sonra Fətullah Gülən Ərdoğana səs verənlərə səslənib.
O, ad çəkmədən hakim Ədalət və İnkişaf partiyasına və bu partiyanı dəstəkləyənlərə mesaj göndərib. Gülən Ərdoğana səs verənləri “satqın”, “xainlər” adlanıdırıb.
Qeyd edək ki, dünən Türkiyədə keçirilmiş prezident seçkilərinin nəticələrinə əsasən hazırkı baş nazir Rəcəb Tayyib Ərdoğan 52,06 faiz səs toplayıb. Ərdoğanın əsas rəqibi Əkməllədin İhsanoğlu 38,27 faiz yığıb. Səlahatdin Dəmirtaş isə 9.68 faiz nəticə göstərə bilib. Ərdoğana 20 milyon seçicinin səs verdiyi bildirilir.
