AZ
RU
M.Qurbanlı:"mikrofonun yüksək səsi insanları narazı salmasın"
Dini Qrumlarla İş üzrə Dövlət Komitəsinin sədri Mübariz Qurbanlı məhərrəmlik ayı mərasimlər zamanı məscidlərin ərazisində mikrofonlardan istifadə edilməsi ilə bağlı məsələyə aydınlıq gətirib.
Yenixeber.org: M.Qurbanlı bildirib ki, ötən il bununla bağlı bəzi narazılıqlar müşahidə edildi.
O bildirib ki, mikrofonlardan istifadə ilə bağlı məhdudiyyət olmamalıdır, ancaq mikrofondan istifadə qaydası olmalıdır:
"Mikrofondan istifadə edərkən nəzərə almaq lazımdır ki, məscidlər arasında məsafə, yüksək səsin hüdudu nə qədərdir? Əgər iki məscidin arasında məsafə azdırsa, səs azaldılmalıdır. Ümumiyyətlə, miktofonlardan istifadə zamanı yerli xüsusiyyətlər nəzərə alınmalıdır. Elə etmək lazımdır ki, mikrofonun yüksək səsi insanları narazı salmasın".
Komitə sədri əlavə edib ki, yerli hakimiyyətin qanunauyğun irəli sürdüyü bu və ya digər tələb varsa, bu da izah olunmalıdır.
(5).jpeg)
