Yenixeber.org:  İranın iki rəsmi qurumunun inflyasiyanın səviyyəsi barədə verdikləri statistik rəqəmlər arasında 5% fərq onsuz da xeyli sorğu-sual yaratmışdı. İslam Şura Məclisi tədqiqat mərkəzinin hesabatında göstərilən rəqəmlərin İran Statistika mərkəzinin açıqladığı inflyasiya səviyyəsindən ən azı 40% üstələməsi hökümətin açı-aşkar cəmiyyəti aldatmaqla məşğul olduğunu sübuta yetirir.
“Statistika qurumları tərəfindən açıqlanan inflyasiyanın cəmiyyət əhalisinin hiss etdiyi inflyasiya səviyyəsinə uyğun gəlməməsi son illərdə daha da güclənən məsələlərdən biridir. Qavranılan inflyasiya nisbəti ilə rəsmi qurumların ortamüddətli perspektivdə elan etdiyi inflyasiya nisbətindəki fərq ölkənin rəsmi statistikasına ziyan vurur. İnsanların və əhali qruplarının müxtəlif istehlak modelləri kirayəçilərin inflyasiya səviyyəsini, uşaqlı insanların inflyasiya səviyyəsini, qadınların başçılıq etdiyi ev təsərrüfatlarının və müxtəlif sosial və gəlir qruplarının inflyasiya səviyyəsini göstərir”, - tədqiqat mərkəzinin açıqlamasında deyilir.
Buna görə də, İranın Mərkəzi bankının və dövlət Statistika mərkəzinin bütün iqtisadiyyatda orta qiymət artımına söykənən inflyasiya dərəcəsi heç də müxtəlif qrupların inflyasiya səviyyəsini özündə əks etdirmədiyini vurğulayır.