Almaniyanın bir çox şəhərlərində hökumətin istefası tələbi ilə etiraz aksiyaları keçirilir.

Yenixeber.org: Etirazçılar şəhər bələdiyyələrinin qarşısına toplaşaraq “Yerimiz yoxdur”, “Qaçqın istəmirik”, “Daha çox qaçqın? Yox, çox sağ olun!” və s. şüarlar səsləndirirlər, hökumətdən dərhal qaçqın axınının dayandırmasını tələb edirlər.

Bir neçə bölgədə etirazçılar şəhər rəhbərliyi ilə görüşərək, problemləri onlarla müzakirə ediblər. Aksiyanın təşkilatçıları bildiriblər ki, bəzi qəsəbələrdə qaçqınların sayı az qala yerli əhalinin sayına çatır. Bu da problemlər yaradır. Onlar diqqətə çatdırıblar ki, hazırda belə yerlərdə uşaq bağçalarında yer yoxdur, məktəblərdə bir sinifdə az qala 30-35 uşaq təhsil alır. Eyni zamanda kriminogen durum da mənfiyə doğru dəyişir. Oğurluq və quldurluq cinayətlərinin artması müşahidə edilir. İnsanlar qorxu və narahat bir şəkildə yaşayırlar.

Almaniya Daxili İşlər Nazirliyindən bildirilib ki, bəzi şəhərlərdə etirazçılar bələdiyyə binalarına girməyə cəhd ediblər. Onların qarşısı alınıb. Radikal milliyətçi və nasist qrupların üzvü olduğu güman olunan iki nəfər isə saxlanılıb.