AZ
RU
"Daxili xidmətlə bağlı yoxlamalardır, hər qurumda aparılır" -Rəsmi
Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətində yoxlamalar başlaması ilə bağlı məlumat yayılıb. Yerli KİV-də yayılan məlumata əsasən, yoxlamalar Azərbaycan Səfərbərlik və Hərbi Xidmətə Çağırış üzrə Dövlət Xidmətinin vəzifəli şəxsləri tərəfindən aparılır. Bu məlumatın qurum tərəfindən təsdiqləndiyi bildirilir.
Yenixeber.org: Məsələ ilə bağlı Səfərbərlik və Hərbi Xidmətə Çağırış üzrə Dövlət Xidmətindən cavab verilib və bildirib ki, burada söhbət hər hansı fövqəladə yoxlamadan getmir:
“Bu tip yoxlamalar mütəmadi olaraq hər qurumda aparılır. Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidməti də tabeli qurum olduğu üçün orada da yoxlamalar aparılır. Səfərbərlik xidmətinin daxili xidməti ilə bağlı yoxlamalardır. Tərəfimizdən bu barədə heç bir məlumat yayılmayıb. Məlumat haradan, necə çıxıb, bilmirik”.
