AZ
RU
Şirkətdəki münaqişə səbəbindən World of Warcraft-ın Çin serverləri fəaliyyətini dayandıracaq
Çin bazarı bir çox şirkətlər üçün son dərəcə cəlbedicidir, lakin Blizzard onu itirə bilər
“Yenixeber.org” Bloomberg-ə istinadən məlumat verir ki, kütləvi şəkildə multiplayer onlayn RPG World of Warcraft Çin Xalq Respublikasında fəaliyyətini dayandırır.
Bu qərarın təfərrüatları açıqlanmasa da, məlumdur ki, Amerika şirkəti Blizzard ilə onların çinli ortağı NetEase arasında münaqişə yaranıb. Nəticədə 14 illik əməkdaşlıqdan sonra WoW serverləri Çində fəaliyyətini dayandıracaq.
Qeyd olunur ki, Çində World of Warcraft ilə yanaşı, digər məşhur multiplayer oyunları da fəaliyyətini dayandıracaq. Onların arasında Overwatch, Diablo, Hearthstone var.
Bununla belə, Blizzard ümid edir ki, bunlar müvəqqəti çətinliklərdir və WoW tezliklə yenidən Çin oyunçuları üçün əlçatan olacaq. Bununla əlaqədar olaraq, oyunçular hesablarına görə təlaşa düşməməyə çağırılır - onlar xilas olacaq və serverlər yenidən işə başlayanda oyunları davam etmək mümkün olacaq.
Tərcümə etdi: Səadət Sultan
.jpg)
