AZ
RU
İtaliyada 30 ildir gizlənən Koza Nostranın rəhbəri saxlanılıb
Matteo Messina Denaro 2006-cı ilin aprelində həbs edilən Siciliya mafiya lideri Bernardo Provenzanonun varisi hesab olunur.
“Yenixeber.org” CNN-ə istinadən xəbər verir ki, polis Siciliyanın Palermo şəhərindəki özəl klinikalardan birində müalicə alan Matteo Messina Denaronu həbs edib. O, 1993-cü ildən qaçaqdır və Europol tərəfindən Avropada ən çox axtarılan şəxslərdən biri hesab olunurdu. 1992-ci ildə Denaro mafiya əleyhinə müstəntiqlərin qətllərində iştirak etdiyinə görə qiyabi olaraq ömürlük həbs cəzasına məhkum edilib. O, 1993-cü ildə Milanda, Florensiyada və Romada törədilən partlayışların təşkilində də iştirak edib.
