AZ
RU
Kollektiv Təhlükəsizlik Müqaviləsi Təşkilatının (KTMT) Qırğızıstanda keçirilməsi planlaşdırılan "Sarsılmaz Qardaşlıq - 2022" təlimləri təxirə salınıb.
Yenixeber.org: Bu barədə ölkənin Təhlükəsizlik Şurasının katibi Marat İmankulov bildirib.
"Biz onları sonrakı tarixə təxirə saldıq. Onlara hazırlıq 99,9 faiz olub. Təlimlər ləğv olunandan sonra sosial şəbəkələrdə yazırlar ki, bununla biz KTMT-ni rədd edirik. Bizə KTMT çox lazımdır. Bu, terror təhlükələrinə qarşı tam təminat verir və ölkəmizin milli təhlükəsizliyinin maraqlarına cavab verir", - açıqlamada deyilir.
Onun sözlərinə görə, sosial şəbəkələrdə bəzi qüvvələr Qırğızıstanı təşkilat üzvlərinə qarşı qoymağa çalışır. Buna baxmayaraq, onlardan heç nə çıxmayacaq. O, izah edib ki, ölkənin KTMT-nin digər üzvləri ilə heç bir ziddiyyəti yoxdur.
.jpg)