AZ
RU
Ruhəngiz Qasımova Honq-Konqda vəfat edib
Xəbər verdiyimiz kimi, Əməkdar İncəsənət xadimi, bəstəkar Ruhəngiz Qasımova 82 yaşında dünyasını dəyişib.
Yenixeber.org: Aparıcı Hacı Nuran Hüseynov onun Honq-Konqda vəfat etdiyini bildirib.
Aparıcı qeyd edib ki, bəstəkarın qızı Honq-Konqda yaşayır.
Qeyd edək ki, bəstəkar Ruhəngiz Qasımova 1940-cı il iyulun 12-də Bakıda anadan olub. Uzun müddət Azərbaycan Dövlət Televiziyasında və radiosunda səs rejissoru, bəstəkar kimi çalışıb.
R.Qasımova 16 sentyabr 2005-ci ildə "Azərbaycan Respublikasının Əməkdar incəsənət xadimi" fəxri adına, 30 dekabr 2015-ci ildə Azərbaycan Respublikası Prezidentinin fərdi təqaüdünə, 17 sentyabr 2019-ci ildə Azərbaycan Respublikası Prezidentinin Fəxri diplomuna layiq görülüb.
