AZ
RU
Rusiyada səfərbərliyə çağırılan şəxs hərbi komissarı güllələyib -VİDEO
İrkutsk vilayətinin qubernatoru İqor Kobzev Ust-İlimsk şəhərində gəncin hərbi komissarlıqda atəş açdığını, hərbi komissar Aleksandr Vladimiroviç Yeliseyevin ağır yaralandığını, lakin ölmədiyini bildirib.
Yenixeber.org: Qubernatorun sözlərinə görə, hərbi komissar hazırda reanimasiyadadır, həkimlər onun həyatı uğrunda mübarizə aparır.
İ.Kobzev deyib ki, hərbi komissara atəş açmaqda şübhəli bilinən şəxs saxlanılıb və qanun qarşısında cavab verəcək.
Məlumata görə, hərbi komissarı güllələyən 25 yaşlı şəxs Ust-İlimsk şəhər sakinidir.
Faktla bağlı Rusiya Cinayət Məcəlləsinin uyğun maddələri üzrə cinayət işi başlanıb.
Hadisə yerində araşdırma aparılır.
***
Rusiyanın “Mash” Telegram kanalı xəbər verir ki, hadisə hərbi komissarlıqda baş verib.
Hadisəni törətməkdə şübhəli bilinən 25 yaşlı Ruslan Zinin saxlanılıb.
Onun hərbi komissar Aleksandr Yeliseyevə 6 dəfə atəş açdığı bildirilir.
Hərbi komissarın ağır vəziyyətdə olduğu və reanimasiyaya yerləşdirildiyi bildirilir.
.jpg)
