AZ
RU
Yəmən səfiri:“Yaxın gələcəkdə Qarabağın bərpasının nəticələrini görəcəyik”
Yəmənin Azərbaycandakı səfiri ikitərəfli münasibətlərin daha da inkişafı üçün hər cür səy göstərməyə hazır olduğunu bəyan edib.
Yenixeber.org: İqamətgahı Ankarada olan Yəmənin Azərbaycandakı səfiri Məhəmməd Saleh Əhməd Turiq “Report”a açıqlamasında bildirib ki, Qarabağa səfər etməkdən və burada həyata keçirilən layihələrlə tanış olmaqdan çox şaddır.
“Burada olmaqdan çox şadam. Burada diplomatik korpusun və hərbi attaşelərin çox sayda nümayəndələri var. Bu ərazilərin yenidən dirçəlməsini və müharibədən əvvəlkindən daha yaxşı olmasını arzulayıram”, - Yəmən səfiri bildirib.
“İnanıram ki, yaxın gələcəkdə Azərbaycanın işğaldan azad edilmiş ərazilərdə həyata keçirdiyi layihələrin təsirli nəticələrinin şahidi olacağıq. Azərbaycanın güclü və nümunəvi iqtisadiyyatı var. İki ölkə arasında çoxtərəfli əlaqələr var. Mən də öz növbəmdə bu əlaqələri daha da inkişaf etdirmək üçün hər cür səy göstərəcəyəm”, - diplomat vurğulayıb.
