AZ
RU
Mariupol şəhərindən təxliyənin ikinci mərhələsi başlayıb
Ukraynanın Mariupol şəhərindən mülki sakinlərin təxliyəsinin ikinci mərhələsi başlayıb.
Yenixeber.org: Bunu Mariupol Şəhər Şurasının sədri Petr Andryuşşenko ümum-Ukrayna telemarafonunun efirindən bildirib.
Mariupoldan insanların təxliyəsinin ikinci mərhələsi davam edir. Əvvəlcədən əldə edilmiş razılşamaya görə, Manquş, Berdyanskda insanlar öz nəqliyyatları vasitəsilə karvanlara biləşəcəklər. Bu, şərh verə biləcəyimiz yeganə məsələdir”, - o qeyd edib.
P.Andryuşşenko deyib ki, Rusiya hərbçilər istənilən an atəşə aça bilər: “Çünki atəşkəs razılaşması şərtidir. Dünən (mayın 1-də - “Report”) “Azovstal”dan təxliyə edilən insanlarla dolu avtobus atəşə tutulub”.
Vurğulanıb ki, Mariupoldan təxliyə mayın 1-dən başlayıb. Prezident Volodimir Zelenski “Azovstal”dan 100-ə yaxın insanın Ukrayna ordusunun nəzarəti altında olan əraziyə çıxarıldığını söyləyib.
Şəhər Şurasının məlumatına əsasən, mayın 2-də daha iki təxliyə karvanının Mariupoldan çıxarılması razılaşdırılıb.
