AZ
RU
.jpg)
Ukrayna dünya ölkələrinə çağırış etdi-"Azovstal"da dinc əhalinin qorunması ilə bağlı
"Dünya liderləri "Azovstal"dan təxliyəyə kömək etməsələr, dinc əhali və uşaqlar məhv olacaq".
Yenixeber.org: Yerli mətbuat xəbər verir ki, bunu Ukrayna Prezident Ofisinin rəhbərinin müşaviri Mixaylo Podolyak tviter hesabında yazıb.
Podolyak dünya liderlərini Mariupolda rus işğalçıları tərəfindən bloklanan Azovstaldan “yaşıl dəhliz”in təşkilinə kömək etməyə çağırıb.
"Rusiya "Azovstal"a güclü bombalar atmağa davam edir. Dünya uşaqların öldürülməsini canlı izləyir və susur", - o, qeyd edib.
Xatırladaq ki, səhər saatlarında Rusiya qoşunları Mariupoldakı “Azovstal” zavodunda Ukraynanın mövqelərinə hücuma başlayıb. Hücumdan əvvəl müəssisənin ərazisi güclü bombardmana və artilleriya atəşinə məruz qalıb.
Qeyd edək ki, yüzlərlə Mariupol sakini, o cümlədən uşaqlar bir neçə həftədir ki, "Azovstal" ərazisindəki sığınacaqlarda gizlənir.
