AZ
RU
Türkmənistanda icra başçısının müavini prezidentliyə namizəd olub
Türkmənistanda növbədənkənar prezident seçkilərində mübarizə aparacaq daha bir namizədin adı məlum olub.
Yenixeber.org: Türkmənistan Aqrar Partiyası prezident postuna Marı vilayəti başçısının müavini Ağacan Bəymuradovun namizədliyini irəli sürüb.
Prezidentliyə namizədin doğum tarixi məlum olmasa da, onun 1995-ci ildə Türkmənistan Dövlət Memarlıq və İnşaat İnstitutunu bitirdiyi açıqlanıb. Beləliklə, o, indi ən azı 47-48 yaşlardadır. Ölkədə yalnız yaşı 40-dan çox olan şəxslər prezidentliyə namizədliyini irəli sürə bilər.
A.Bəymuradov növbədənkənar prezident seçkilərində rəqibi hazırkı dövlət başçısı Qurbanqulu Berdıməhəmmədovun oğlu Sərdar Berdiməhəmmədov olacaq.
Qeyd edək ki, fevralın 11-də Q.Berdıməhəmmədov növbədənkənar prezident seçkilərin keçiriləcəyinin anonsunu verib. O ölkə rəhbəri postunu gənc rəhbərə vermək niyyətində olduğunu bildirib.
