AZ
RU
"NATO Əfqanıstanı Tramp və Baydenə görə tərk edib"
NATO qüvvələrinin Əfqanıstandan çıxarılmasında ABŞ-ın keçmiş prezidenti Donald Tramp və Ağ Evin hazırkı sahibi Cozef Bayden məsuliyyət daşıyır.
Yenixeber.org: Bunu Çexiya prezidenti Miloş Zeman "Blesk" qəzetinin şəbəkə telekanalına müsahibəsində bildirib.
"Qoşunların Əfqanıstandan çıxarılmasının əsas səbəbi bu, iki prezident olub", - Zeman deyib.
Onun sözlərinə görə, Tramp və Bayden Əfqanıstanda hərbi mövcudluğunu saxlamaqda cəsarət göstərməyib.
Zemanın fikrincə, NATO "ABŞ xidmət təşkilatı" olmağı dayandırmalıdır: "Şimali Atlantika Alyansı hazırda təşkilat ABŞ prezidentinin göstərişlərinə uyğun hərəkət edir. NATO-da köklü və dərin islahatlara ehtiyac var. Fransa Prezidenti Emmanuel Makronun dediyi kimi, Rusiya NATO-nun düşməni deyil, NATO-nun düşməni beynəlxalq terrorizmdir".
.jpg)
