AZ
RU
“İŞİD NATO qoşunlarının Əfqanıstanda tərk etdiyi əraziləri tutur”
“Rusiya İŞİD terrorçu qruplaşmasının Əfqanıstanın şimalında güclənməsindən narahatdır”.
Yenixeber.org: Bunu Rusiya xarici işlər naziri Sergey Lavrov bildirib.
"Bu bizi narahat edir. Bir sıra rəsmi şəxslərin Kabildəki məsuliyyətsiz davranışları, NATO qoşunlarının Əfqanıstandan tələsik şəkildə çıxarılması şəraitində İŞİD-çilər fəal şəkildə Əfqanıstanın şimalında, bizə müttəfiq olan ölkələrin sərhədindəki əraziləri tutur”, - Rusiya XİN başçısı bəhreynli həmkarı Abdel Latif əz-Zeyni ilə birgə mətbuat konfransında bildirib.
S. Lavrov ölkəsinin Mərkəzi Asiya dövlətlərinin etibarlı müdafiəsi üçün bu məsələ ilə bağlı Kollektiv Təhlükəsizlik Müqaviləsi Təşkilatında məsləhətləşmələr apardığını söyləyib: “Biz həm ikitərəfli kanallarla, həm də KTMT çərçivəsində məsləhətləşmələr aparırıq ki, Mərkəzi Asiyada olan qonşularımızı birbaşa və çox ciddi təhlükədən etibarlı müdafiə edək”.
