AZ
RU
.jpg)
Tacikistan-Qırğızıstan sərhədində vəziyyət yenidən gərginləşib -VİDEO
Tacikistan hərbçiləri əvvəlcədən əldə edilən razılaşmanı pozaraq iyunun 4-də səhər saatlarında Qırğızıstan sərhədinin 1 km dərinliyinə daxil olub və Oş vilayətinin Çon-Alay rayonunun “Unju-Bulak” dövlət sərhəd məntəqəsində konteyner yerləşdiriblər.
Yenixeber.org: Bu barədə Qırğızıstanın Nazirlər Kabineti məlumat yayıb.
Qırğızıstan Dövlət Təhlükəsizlik Komitəsinin rəisi general-leytenant Kamçıbek Taşiyev, sərhədyanı məsələlər üzrə məsul şəxs Nazirbek Borubayev və Torpaq Fondu Dövlət Agentliyinin direktoru Abdulat Mırzayev hadisə yerinə gediblər.
Rəsmi Bişkek Düşənbəni dövlət sərhədinin delimitasiya və demarkasiyası məsələlər üzrə razılaşmanı pozmaqda ittiham edir.
Son məlumatlara görə, yerli vaxtla səhər saat 6-da Tacikistan tərəfi konteynerin yerini dəyişdirib və onu “Unju-Bulak” dövlət sərhəd məntəqəsinin 600 metrliyində qurub.
.jpg)
