AZ
RU
BVF vaksinasiyaya 50 milyard dollar ayıracaq -Peyvənd istehsalçıları da kasıb ölkələrə dəstək verəcək
Beynəlxalq Valyuta Fondu (BVF) COVID-19 pandemiyasına son qoyulması səyləri üçün 50 milyard dollar ayıracağını bildirib. Təşkilat bildirib ki, bu vəsait qlobal əhalinin 60 faizinin gələn ilin sonunadək peyvəndlənməsi üçün nəzərdə tutulub.
Yenixeber.org: Ekspertlər bunun, xüsusilə də zəngin ölkələrin pandemiyaya xərclədiyi trilyonlarla müqayisədə o qədər də böyük məbləğ olmadığını bildirirlər.
Bura Birləşmiş Ştatların öz əhalisi və iqtisadiyyatı üçün ayırdığı 1.9 trilyon dollar da daxildir.
Bu arada COVID-19-a qarşı vaksin istehsal edən "Pfizer", "Moderna" və "Johnson & Johnson" şirkətləri mayın 21-də Romada keçirilən Qlobal Səhiyyə Sammitində bəyan ediblər ki, bu il və gələn il orta və aşağı gəlirli ölkələr üçün güzəştli qiymətlərlə 3.5 milyard doza vaksin ayıracaqlar. Ekspertlər bildirirlər ki, vaksinasiya qlobal iqtisadiyyatı sarsıdan və 2019-cu ildən bəri 3.4 milyon insanın həyatına son qoyan pandemiyadan çıxış üçün başlıca faktordur.
.jpg)
