AZ
RU
Şurnuxda 12 ev -Azərbaycan Ordusunun nəzarətinə keçib
Ermənistanın Sünik (Zəngəzur) vilayətindəki 12 ev Azərbaycan Ordusuna təhvil verildiyi üçün buranın sakinləri öz qohumlarının evinə köçüblər.
Yenixeber.org: “Sputnik Armenia” xəbər verir ki, bu haqda Gorus icmasının rəhbərinin müavini Menua Ovsepyan məlumat verib.
Kənd nümayəndəsi Akop Arşakyan agentliyə açıqlamasında bildirib ki, kəndlilər son əşyalarını toplayırlar. Kəndin Azərbaycana aid hissəsinə girişdə artıq bir nəzarət nöqtəsi qurulduğu deyilir.
Arşakyan bu gün iclas keçirildiyini və sakinlərə bəzi məsləhətlər verildiyini də vurğulayıb:
“Orada erməni sərhədçiləri, bir neçə rus sülhməramlısı da var idi. Kəndlilərə açıq şəkildə qaytarılan əraziyə keçməməyi, hətta heyvanlarının da orada gəzməməsini təmin etməyi tapşırdılar".
Qeyd edək ki, sözügedən evlərin olduğu ərazi Azərbaycanın Zəngilan rayonunun ərazisinə düşür. Və sərhədlərin müəyyənləşdirilməsi çərçivəsində bu evlər, bitişik torpaq sahələri ilə birlikdə Azərbaycana verilib.
