Yerevanda “Vətənin qurtuluşu” hərəkatı yerli vaxtla saat 12-də Ümumermənistan itaətsizlik aksiyalarına başlayıb.

 Yenixeber.org: Yerli KİV-lər bildirir ki, paytaxtın müxtəlif yerlərindən vətəndaşlar Respublika meydanına axışırlar.

Hökumət binasının ətrafına xeyli sayda hüquq-mühafizə orqanları əməkdaşlarının cəlb edildiyi bildirilir.

**10:32

Bu gün Ermənistanda hökumət əleyhinə növbəti dəfə etiraz aksiyası təşkil olunacaq.

 Yerli KİV-lər bildirir ki, Yerevanda keçiriləcək mitinqin əsas tələbi baş nazir Nikol Paşinyanın istefası olacaq. Etiraz aksiyasının təşkilatçıları əsas müxalifət partiyalarıdır. Onlar xalqı tətilə çağıracaqlar.

Günorta saatlarına planlaşdırılan mitinqdən sonra etiraz aksiyalarının genişlənəcəyi, ümumxalq tətilinə çevriləcəyi, bütün yolların bağlanacağı gözlənilir. Aksiya iştirakçıları küçələrdə çadırlar quracaqlarını deyiblər.

Qeyd edək ki, son günlər Ermənistanda etiraz aksiyaları intensiv hal alıb. Müxalifət və ictimaiyyətin müxtəlif təbəqələrinin nümayəndələri baş nazir Nikol Paşinyanı 10 noyabr bəyanatına imza atmaqda ittiham edir, onun istefası tələbini irəli sürürlər. Lakin hökumət rəhbəri istefa verməyəcəyini bildirib.