Redaktor seçimi
Qarabağ Qazisi Abdin Fərzəliyevi "topa tutdu":
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
Günün xəbəri

Nəsimi icra başçısının da həbsinə çağırış: Asif Əsgərova şok – İttihamlar

 

 

 “Hər dəfə DTX və digər hüquq-mühafizə orqanlarının korrupsioner, öz əməlləri ilə dövlətə, xalqa və cənab prezidentə qarşı xəyanət içində olan məmurlara, icra başçılarına qarşı əməliyyatlarını görəndə yadıma Nəsimi rayon İcra Hakimiyyətinin başçısı Asif Əsgərov düşür”. Bu sözləri jurnalist Fərid Şahbazlı “facebook” hesabında yazıb.
Yenixeber.org: Onun sözlərinə görə, 15 ildir müxtəlif rayonlara başçılıq edən A.Əsgərovun adı mətbuatda korrupsiya, məmur özbaşınalığı, “yaşıl soyqırım”dan başlayaraq seçki saxtakarlığına qədər ən müxtəlif qalmaqallarda hallanıb: “Hələ oğlunun “avtoşluq” edərək günahsız bir insanın ölümünə səbəb olması və sonra rahat şəkildə azadlıqda gəzməsi ilə bağlı xəbərləri demirəm…
Arzu və xahiş edirik ki, hörmətli hüquq-mühafizə orqanlarının əməkdaşları tezliklə yollarını Nəsimi rayonundan da salsınlar”.

Jurnalist bu fikirlərini Biləsuvarın icra başçısı Mahir Quliyevin DTX tərəfindən saxlanılması xəbərlərinin ardınca yazıb. Çünki Nəsimi rayon icra başçısından da şikayətlər az deyil.

Asif Əsgərov istər Səbail, istər Nəsimi rayonuna rəhbərlik etdiyi dövrdə adı qanunsuzluqlarda hallanıb. Onun dosyesi böyük bir cinayət aktıdır.

Asif Əsgərov gələcək karyerası ciddi sual altında olan məmurlardandır. Buna səbəb isə onun son illər ali hakimiyyətin xoşlamadığı bir sıra neqativ işlərdə adının hallanması və ya birbaşa iştirakıdır.

Hakimiyyətin ali instansiyalarının stolunun üzərində olan Asif Əsgərovun “iş qovluğu”nda yer alan neqativ məlumatların əksəriyyəti zaman-zaman ölkə mediasında tirajlanıb.

Asif Əsgərovun adı bu yaxınlarda mətbuatda “Regal” MTK tikinti şirkəti tərəfindən evi qanunsuz olaraq uçurulan, buna görə kompensasiya ala bilməyən tibb elmləri üzrə fəlsəfə doktoru, Rusiya Proktoloqlar Cəmiyyətinin, Çexiya Həkimlər Birliyinin və Avropa Endoskopik Cərrahlar Birliyinin üzvü Qafar Bədəlxan oğlu İskəndərov işində hallanıb. 

Bununla bağlı tibb elmləri üzrə fəlsəfə doktoru, Rusiya Proktoloqlar Cəmiyyətinin, Çexiya Həkimlər Birliyinin və Avropa Endoskopik Cərrahlar Birliyinin üzvü Qafar Bədəlxan oğlu İskəndərov mətbuat vasitəsilə dəfələrlə ölkə rəhbərliyinə və aidiyyəti qurumlara müraciət etsə də,  Qafar İskəndərov şikayətinə baxan olmadığını bildirib. 

Qafar İskəndərovun müraciətində bildirilir: "Evimin qanunsuz söküntüsü ilə əlaqədar Sizə ünvanladığım coxsaylı müraciətlərə baxmayaraq, nə mənim problemim həll olunur, nə də Nəsimi rayon icra başçısı Asif Əsgərov və Nəsimi rayon prokuroru Salman Məmmədli Sizin fərman və qərarlardan, aparilan dəyişikliklərdən ibrət götürmək fikirləri yoxdur. Allaha sükürlər olsun ki, tikinti işləri artiq rayon icra başçılarının səlahiyyətlərindən alınıb”.

Q.İskəndərov icra başçısı Asif Əsgərovun tikinti şirkətlərinə ayirdığı hər bir sahə üçün 1000 000 (bir milyon) manat aldığını iddia edib “Təksə “Regal” MTK şirkətindən 3 000 000 (üç milyon) manat almışdır. Nəsimi rayonunda isə onlarla bu cür tikinti şirkəti fəaliyyət göstərir…

“Regal” MTK şirkətində çalışan işçilər xaricdə yaşayan həmyerlilərimiz vasitəsilə evimin söküntüsünün, polis və prokurorluqda cinayət işinin qaldırılmamasının birbaşa icra başçısı Asif Əsgərovla bağlı olması haqda mənə bildiriblər…”- deyə, müraciətində bildirib.

Asif Əsgərovun adının ən çox hallanmasına digər səbəb isə Nəsimi rayonunda yaşıllıqların məhvi ilə gündəmə gəlmiş icra başçısı olmasıdır.

Nəsimi rayonu ərazisindəki yaşıllıqlarla bağlı yaşanan problemlər medianın gündəmini zəbt edən mövzuladan birinə çevrilib.

Belə ki, adı çəkilən bu rayonun bir çox ərazilərindəki ağaclar mütəmadi kəsilir və yerində müxtəlif mərtəbəli binalar, digər təyinatlı obyektlər inşa olunur. Bunun üçün ilk növbədə ərazilər hasara alınır və az sonra da lazımi addımlar atılır.

Diqqətlə baxdıqda onu müəyyən etmək olur ki, bu gün rayonun ərazisindəki yaşıllıqlardan heç bir əsər-əlamət qalmayıb. Nəsimi RİH-nin başçısı Asif Əsgərovun yaşıllıqlara qənim kəsilməsi məsələsi, artıq hər kəsə bəlli olan həqiqətlərdir. Bəli, bu gün icra başçısı öz maraqları çərçivəsində addımlarını atır, aidiyyəti qurumlar, ələlxüsus ETSN-i isə, özbaşınalıqlara göz yumur.

Asif Əsgərovun Səbail rayon icra hakimiyyətinin başçısı olduğu illərə nəzər salsaq, həmin illərdə onun oğlunun avtoqəzada adam öldürməsi və deputat Adil Əliyevdən 30 min rüşvət istəməsi ilə gündəmə gəlmiş icra başçısı olduğunu görərik. Onu bitirən bu məlumatlar isə əsimi RİH-nin başçısı Asif Əsgərovu vəzifədən gedişini sürətləndirir.

Asif Əsgərovun ən çox mətbuatda adının çəkiləməsində oğlunun “avtoş”luğuna görə “cəlb” etməyə başlayıb. 

Xatırladaq ki, bir neçə il öncə Asif Əsgərov Səbayel RİH-nin başçısı vəzifəsində işləyərkən oğlu İlham Əsgərlinin idarə etdiyi 90 AR 819 dövlət nömrə nişanlı “Mersedes” markalı avtomobil 23 yaşlı Əhliman Qəhrəmanovun idarə etdiyi “Howo” markalı yük maşını ilə toqquşmuşdu.

Hadisə nəticəsində “MCDonalds” restoranlarının Bakı üzrə rəhbəri Maqsud Mirzəyev 16 yaşlı Sənan Mirzəyev Asif Əsgərovun oğlunun avtomobilində dünyasını dəyişmişdi.

2014-cü ilin sonlarında baş vermiş qəzada günahkar olmaqda ittiham edilən icra başçısının oğlu ötən ilin noyabr ayının 12-də “cəzanın çəkilməsinə mane olan xəstəliyə düçar olmasına görə” məhkəmənin hökmü ilə cəzadan dərhal azad edildi.

«Howo»nun sürücüsü Əhliman Süleymanov isə 6 il həbs cəzası aldı.Asif Əsgərov 2015-ci ildə Nəsimi RİH-nə başçı təyin edildikdən sonra yeni başçının “gəlişini” ilk hiss edən rayonun florası oldu.

Paytaxtın ən yaşıl rayonlarından olan Nəsimidə məhəllərlərdə olan ağaclar məhv edilərək yeri baha qiymətlərlə satışa çıxarıldı.

Onun binaların həyətlərini satması, yaşıllıqları qırdırması, səkiləri peşkəş eləməsi azmış kimi, deputat Adil Əliyevdən rüşvət istədiyi iddiası da mediada ciddi rezonans doğurdu.


“İcra başçısı var ki, mənim özümdən bir qapının açılması üçün 30 min manat pul istəyir… Bir icra başçısı məndən, millət vəkilindən bir qapının açılması üçün 30 min manat istəyirsə, gör sadə vətəndaşdan nə istəyir?”.

Deputat Adil Əliyev özünün Salatın Əsgərova 101 ünvanında yerləşən obyektinə əlavə qapı açmaq üçün icra hakimiyyətinə müraciət edib.

İcra başçısı “mənim də xərclərim var, 30 min versin, açsın”, – deyə, deputata ismarıc göndərmişdi. Qeyd edək ki, Salatın Əsgərova küçəsi isə əsasən Nəsimi rayonunun ərazisidir.

Media üzərindən yayılan xəbərlərə görə, 2019-cu ilin dekabrda keçirilən bələdiyyə, fevralda keçirilən parlament seçkilərində də A.Əsgərovun adı saxtakarlıqlara qarışmışdı. Başçının səfərbər etdiyi adamlar min hoqdan çıxmışdılar.


Məlumatlara görə, 21 saylı Nəsimi seçki dairəsi, 22 saylı Nəsimi ikinci seçki dairəsi və 23 saylı Nəsimi-Səbail seçki dairəsi üzrə ciddi qanun pozuntularına yol verilib.

21 saylı Nəsimi seçki dairəsindən Məlahət İbrahimqızı, 22 saylı Nəsimi ikinci seçki dairəsindən Asim Mollazadə, 23 saylı Nəsimi-Səbail seçki dairəsindən isə Ziyad Səmədzadə qalib elan olunublar.


Bu nəticələrin elan olunması və iştirak prosesində Nəsimi Rayon İcra Hakimiyyətinin ciddi dəstəyi olduğu xəbər verilir.

Nəsimi RİH tərəfindən verilən təlimatlar əsasında məktəb direktorları, müəllimələr, Mənzil İstismar Sahələrinin rəisləri sözügedən dairələrdə seçki prosesinə cəlb olunublar.

İddialar səslənir ki, Nəsimi RİH məntəqələrdə sədrlər olan məktəb direktorlarına 300 manatdan, komissiya üzvləri olan müəllimələrə 100 manatdan paylayıb.
Həmçinin, onbaşı və yüzbaşılara da pul paylanb ki, özləri ilə karuseldə iştirak üçün seçicilər gətirsinlər.

Bildirilir ki, xüsusi saxtakarlıq, karusel 21 saylı Nəsimi və 23 saylı Nəsimi-Səbail seçki dairələrində qeydə alınıb.


Facebook-da paylaş

Yeni xəbərlər

Reklam

Reklam