AZ
RU
Havadan balıq qoxusu gəlir- mövsüm başlandı
Azərbaycanda balıq və balıq məhsullarının qiyməti qalxıb.
Yenixeber.org: Bu barədə Salyan rayon bazarından məlumat verilib. Satıcılar bunun səbəbini balıq mövsümünün başlaması ilə əlaqələndiriblər.
“Havalar soyuyan kimi bazarda balıq satışına başlanılır. Hazırda bazarda 3 növ – çəki, belamor və "tolstolobik" balıqları satılır. Çəki balıqlarının 1 kiloqramı 5-6 manat arasındadır. Bunlar süni balıqlardır, göllərdə saxlanılır”.
Sakinlər deyirlər ki, alıcılar daha çox Kür balıqlarına üstünlük verirlər: “Ancaq Kür balığı tapmaq çətindir. Əldə saxlanılan balıqlara da tələbat azdır”.
Sakinlər qızıl balığın, nərə balıqlarının mağazalarda satış qiymətlərini də açıqlayıblar: “Qızıl balığın qiyməti 25, nərə balığının isə 35-40 manat arasındadır”.
