“Azercell” gəlirlərini niyə gizlədir? – » Yenixeber.org

“Azercell” gəlirlərini niyə gizlədir? – Ekspert dövlət şirkətinə suallar ünvanladı

Əksər ölkələrin mobil operatorları hesabat verərkən adətən ilk öncə gəlirləri, sonra infrastruktur xərclərini, daha sonra sosial xərclərini və nəhayət sonda dövlətə ödədiyi vergiləri açıqlayırlar.

Yenixeber.org: Azercell dövlət şirkəti bir neçə gündür ki, hesabat xarakterli məlumatlar açıqlayır.
Əlbəttə, bütün bunlar həm dövlət şirkəti olaraq, həmdə ən böyük vergi ödəyicisi olaraq (ötən il 167 milyon manat vergi ödəyib) təqdirəlayiqdir. O baxımdan ki, bir neçə il öncə iflas səviyyəsində olan bir operator artıq böyük gəlirlər qazanmağa başlayıb.
Amma maraqlıdır ki, Azercell ictimai əhəmiyyət kəsb edən məlumatları açıqlamaqda xəsislik edir və mövcud beynəlxalq praktikanın tam əksinə hərəkət edir.
Bu dövlət şirkəti, əsas göstərici olan gəlirlərini açıqlamadan öncə artıq hər şeyi açıqlayıb, ödədiyi vergilər, sosiala xərclədiyi pullar, dəstəklədiyi layihələr və s.
Azercell dövlət şirkətindən gözləntilər isə daha çox aşağıdakı ictimai əhəmiyyət kəsb edən məlumatlardır:
– Ötən il gəlirlər nə qədər olub və dinamika necədir?
– Bir abonentdən əldə olunan gəlir (ARPU) necə dəyişib ?
– ASAN imzadan əldə olunan gəlirlər necədir?
– Mobil internet xidmətləri və danışıqlar üzrə gəlirlər və dinamika necə olub?
– Rouminqdən daxil olan gəlirlər, Aztelekom-a ödənişlər və dinamika necə olub ?
– İnfrastruktura nə qədər yatırım edilib ?
– 2G, 3G və 4G/LTE ilə əhatə neçə faizdir ?
– 5G nə zaman olacaq ?
– Abonent bazası nə qədər artıb ?
– Azercell-in nə zaman özəlləşməyə çıxarılması hədəflənib? və s.

Osman Gündüz,
Azərbaycan İnternet Forumunun prezidenti, Multimedia Mərkəzinin direktoru

Facebook-da paylaş

Tarix: 09-04-2024 09:53

Bənzər xəbərlər

Prezident İlham Əliyevin yerli telekanallara müsahibəsinin TAM MƏTNİ -VİDEO

İlham Əliyevin 3 saatlıq çıxışının -TAM MƏTNİ

PREZİDENT HÖKUMƏTİ TOPLADI, MÜHÜM MESAJLAR VERDİ:"İdarəetmədə struktur köhnəlib, yeni islahat gözlənilir" -MÜŞAVİRƏNİN TAM STENOQRAMI

Prezidentin bu gün keçirdiyi müşavirə-TAM MƏTN

Prezidentin yerli televiziya kanallarına müsahibəsi - TAM MƏTN/VİDEO

Azərbaycanda qızıl hasilatı -ARAŞDIRMA