Özünü vətənpərvər hesab edən, Kremldən idarə olunduğu heç bir şübhə doğurmayan həmin media orqanlarının ABŞ-ın qaçılmaz çöküşü ilə bağlı uydurmalarının yaxın zamanlarda gerçəkləşə biləcəyini təsdiqləyən heç bir əsas yoxdur.

Əksinə olaraq koronavirus pandemiyasının təsiri ilə yaranmış iqtisadi tənəzüllün nəticələrini aradan qaldıraraq yenidən inkişaf mərhələsinə daxil olacaq ilk ölkə ABŞ hesab olunur. Almaniya, Yaponiya,Böyük Britaniya və Çin bu məsələdə də ABŞ-dan geridədirlər. Rusiya isə hətta ilk onluğa da daxil deyil.

“Kreml xəyalpərəstləri”nin və onların arzularının ifadəçələri olan “vətənpərvər” mətbuatın kefini pozan daha bir xəbər isə Puerto Rikodan gəldi.

Puerto Riko ABŞ-ın 51-ci Ştatı olmaq üçün noyabrın 3-də referendum keçirəcək. Qubernator xanım Vanda Vaskes Qarsedın imzladığı qanuna uyğun olaraq keçiriləcək bu referendum Puerto Rikonun ABŞ-ın tərkibinə daxil olmaq üçün altıncı cəhdi olacaq. Bundan əvvəlki referendumlarda Puerto Riko sakinləri ABŞ-ın tərkibinə daxil olmaq niyyətlərini təsdiqləsə də, ABŞ Konqresi bu adanın Birləşmiş Ştatların 51-ci Ştatı olması haqqında qərar qəbul etməmişdi.

Ehtimal olunur ki, dünyada yaranmış yeni geosiyasi vəziyyət konqresmenlərin fərqli qərar qəbul etməsinə səbəb olacaq. Belə görünür ki, “Kreml xəyalpərəstləri”nin arzuladıqları kimi ABŞ çökməyəcək,əksinə böyüyəcək.