AZ
RU
.jpg)
Yeni Zaman Partiyasının sədri ilə bağlı yeni xəbər var-İDDİA
Yenixeber.org: Yeni Zaman Partiyasının sədri Musa Ağayevlə bağlı yeni xəbər var. Belə ki, jurnalist Samir Feyruzov özünün FB səhifəsində yeni qeydiyyata alınmış partiya sədri və ... ictimai maraq kəsb edəcək məlumat paylaşıb:
"Apardığım araşdırma nəticəsində bəlli oldu ki, M.Ağayev partiya sədri olmaqla bərabər, həm də "Novoye Vremya" qəzetinin təsisçisidir. Amma M.Ağayevlə bağlı ilginc bir informasiya əldə etdim.
Belə ki, jurnalistlər üçün tikilmiş 2-ci binadan 2017-ci ildə mənzil almış Nailə Şahvələd qızı Nağıyeva M.Ağayevin həyat yoldaşıdır. Amma məsələ bunda da deyil. Nailə Nağıyeva 194 №-li orta məktəbdə astronomiya, fizika müəlliməsi işləyir. Yəni, jurnalistlər binasından fizika müəlliməsi mənzil alıb. "Alıb...". Nailə xanım 1975-ci il təvəllüdlüdür (13.10.1975), 2006-cı il dekabrın 1-dən isə bu günə qədər 194 №-li məktəbdə müəllimə işləyir.
Ən dəhşətlisi isə budur ki, N.Nağıyeva bircə gün belə "Novoye Vremya" qəzetinin redaksiyasına gəlməyib. Google"-da axtarış zamanı isə, N.Nağıyevanın imzası olan bircə yazı belə tapılmadı".
Yenixeber.org olaraq qarşı tərəfin cavab haqqını tanıyırıq.
