ABŞ-da mənzillən “Ordo Militaris Catholicus” təşkilatı səlibçi ideologiyası ilə silah və döyüş təlimləri verir.

Yenixeber.org: Bu haqda Türkiyənin “Yeni Şəfəq” nəşrində dərc olunan yazıda bildirilir.

Qeyd edilir ki, sosial şəbəkələrdə ortaya çıxan islamofobik və irqçi qruplar Yeni Zelandiyada törədilən terror aktına bənzər hücumların hər an baş verə biləcəyini göstərir. Bu qruplardan biri olan “Ordo Militaris Catholicus” özünü beynəlxalq təhlükəsizliyin müdafiəçi kimi tanıdaraq səlib ideologiyasıyla kütlələrə silah və döyüş təlimi verir. Özündə dərnək, şirkət və radioları birləşdirən təşkilat “Xristian kişilər, “Ordo Militaris” ilə müasir dövrün səlibçisi ol. İndi qeydiyyatdan keç və döyüş təliminə başla!” ifadələri ilə yeni bir səlibçi ordu qurulması çağırışı edir.

2016-ci ildə qurulan təşkilat davamlı olaraq təhdid gördüyü Avropa və Amerikadakı müsəlman və azlıqların törətdiyi cinayətlər üzərindən islamofobik nifrəti yayır. Müsəlmanlarla döyüşən bir səlibçi fotosu ilə mesaj verən təşkilat “terrorizm çağında Roma Katolik döyüşçülərinin ayaq izlərini təqib edin” sözləri ilə xristianları mübarizəyə çağırır.

Təşkilatın tərkibində “Ordo Militaris Inc” adlı şəxsi hərbi şirkət var. ABŞ-da qanuni bir təşkilat olaraq fəaliyyətini davam etdirən “Ordo Militaris”in 2017-ci ildən bu yana Federal Təhqiqatlar Bürosunun razılığı ilə yetişdirdiyi hərbçiləri İŞİD-lə silahlı mübarizəyə göndərdiyi iddia edilir.