AZ
RU
Müsavatçı Müsavat başqanını saxtakar adlandırdı
Əlövsət Sadıxlı: “Arif Hacılı saxta yolla başqan seçilib”
Xeberinfo.com: Müsavat Partiyasının üzvü, ADR Hərəkatının məclis nümayəndəsi Əlövsət Sadıxlı “Yeni Müsavat”a müsahibə verib.
O, müsahibədə partiyanın iki il əvvəl keçirilən qalmaqallı qurultayından, həmçinin orada baş verən çoxsaylı qanun pozuntularından danışıb. Müsavat Məclisinə namizədliyindən də danışan Ə.Sadıxlı qeyd edib ki, istisnasız olaraq Məclis üzvləri əvvəlcədən hazırlanmış siyahı əsasında seçilib.
O, qeyd edib ki, həmin qurultayda Arif Hacılı da saxta yolla başqan seçilib. Ə. Sadıxlı müxbirimizə iddialarını təsdiqləyən sənədlər və sübut növləri təqdim edib.
O, həmçinin partiyadan çıxarılması, bununla bağlı ona indiyədək rəsmi sənəd təqdim edilməməsi kimi məsələlərə də toxunub.
Ə.Sadıxlının sözlərinə görə, kifayət qədər qanun pozuntuları ilə müşayiət olunan qurultayla bağlı sənədləri Ədliyyə Nazirliyi hansısa səbəblərdən qəbul edib.
