"xeberinfo.com": Milli Şura üzvü Eldəniz Quliyev açıqlamasında ölkə gəncliyinin hakimiyyət tərəfindən sıxışdırılmasının səbəblərinə aydınlıq gətirib. Gəncliyin hakimiyyəti təşvişə salan yeganə güc mənbəyi olduğunu bildirən E.Quliyev, müxalifətin mübarizəsinin uğursuz nəticələri haqqında da maraqlı fikirlər səsləndirib:

“Hakimiyyətin  ənənəvi  müxalifətdən nə  çəkinəcəyi, nə  də  əsaslı qorxusu  var. Hakim  dairənin  siyasi  texnoqlarının  yeganə  narahatlığı əlbəttə ki, gənclərdir. Bu  gün  gənclərin  əksəriyyəti  yüksək  təhsil  alıb, bir  neçə  dil  bilir və  qəti  surətdə  hazırkı  siyasi  rejimin rəhbərliyi  altında  ömürlərini çürütmək  istəmirlər. Ən  qəribəsi isə  gənclər  ən ağır  cəzadan-  həbsdən  çəkinmirlər, əksinə  həbs  oıunmağı  bəzən şərəf  sayırlar. Bu  kreativ  kəsim avtoritar  hakimiyyəti  təşvişə  salır və istəsələr  də, istəməsələr  də gənclərin idealları  ilə  hesablaşmağa məcburdurlar. Onu  qaralamaq, məhv  etməyə  sadəcə  gücləri  və iradələri  çatmır. İkinci  tərəfdən,  bizlərdə  də  günah  var, hətta  bu  günah  bizlərdə  kompleks  də yaradır - biz   babalarımızın  tikib-qurduqlarını bizdən sonrakılara dağılmış, az  qala  xaraba  vəziyyətə düşmüş, bir  sözlə  bərbad  vəziyyətdə  ötürürük. Bunu etiraf  etməliyik. Etiraf  etməliyik ki, biz  bacarmadıq.  Bu  mənada, həm  mövcud  hakimiyyət, həm  də hazırkı  yaşlı  demokratik kəsim gəncliyə  borcludur. Məncə, hakimiyyətin  də, müxalifətin  də təşvişə  düşməsinin  əsas  səbəbi  budur”.