Rusiya Ermənistanın gözündən düşüb.

Yenixeber.org:  İrəvan Dövlət Universitetinin Sosiologiya fakültəsi cəmiyyətin hansı yönümlü olduğunu, Qərb və ya Rusiya vektoruna necə yanaşdığını öyrənmək üçün ictimaiyyət arasında sorğu keçirib.

Həmin sorğuların nəticələri barədə rəsmi məlumat yayımlanmasa da , erməni mediası mənbələrinə istinadən açıqlamalar verib.

Media mənbəyə istinadən yazır ki, sorğunun nəticələrinə əsasən, rusiyapərəstlik ermənilər arasında sadəcə olaraq taxtdan düşüb.

“Genişmiqyaslı araşdırmada rusiyapərəstliyin Qərbdən üstün olması demək olar ki, yoxdur. Əksinə, Qərb oriyentasiyasının tərəfdarları xeyli artıb. Rusiya ilə dostluq və əməkdaşlıq şüuru Qərblə münasibətlərdən xeyli dərəcədə aşağı səviyyədədir.

Ermənistanda iqtisadi maraq və iqtisadi əməkdaşlıq məsələsində də vətəndaşlarımız Qərblə münasibətləri Rusiyadan üstün tuturlar.

Rusiyanın yalnız bir məsələdə kiçik üstünlüyü var: dəyərlər sistemi, gender və cinsi məsələlər. Bu da açıq şəkildə cinsi azlıqlar və onların təbliğatı ilə bağlıdır”, – deyə media yazıb.