PERUDA QANLI İĞTİŞAŞLAR

Perunun cənub-şərqindəki Puno departamentində yerləşən Huliaka şəhərində hökumət əleyhinə nümayişlər zamanı azı 17 nəfər ölüb, 50-dən çox insan yaralanıb.

Bu barədə “Yenixeber.org” liqa.net-ə istinadən xəbər verir.

Yerli hava limanına basqın etməyə cəhd edən etirazçılar təhlükəsizlik qüvvələri ilə toqquşub, cavab olaraq silahla atəş açıblar.

Nümayişçilər keçmiş prezident Pedro Kastilyonun devrilməsi və həbsindən sonra hakimiyyətə gələn prezident Dina Boluartenin istefasını tələb ediblər.

"Polis bizə atəş açdı. Düşünürəm ki, 5 nəfər yaralanıb, bir nəfər ölüb. Biz Dina xanımı istefaya çağırırıq, çünki siz qatilsiniz. Çox adam sizə görə ölür. Etiraf etməlisiniz ki, insanlar sizi istəmir" – deyə iştirakçılardan biri deyir.

Huliaca hava limanı yaxınlığında qarşıdurmalar yanvarın 6-dan başlayıb. Nümayişçilər yeni prezident seçkilərinin keçirilməsini tələb ediblər. Baş nazir Alberto Otarola nümayişçilərlə dialoq aparmaq üçün Punoya nümayəndə heyətinin göndərildiyini bildirib. Dekabrda Pedro Kastillonun hakimiyyətdən uzaqlaşdırılmasından sonra Peruda iğtişaşlar zamanı iştirakçılarının yolları bağladıqları, dövlət orqanlarının və hüquq-mühafizə orqanlarının binalarına basqın etdiyi, 30-a yaxın insanın öldüyü, yüzlərlə adamın yaralandığı bildirilir.