Yenixeber.org:Ancaq Azərbaycanın xəbərdarlığına baxmayaraq, Rusiya tərəfi hələ də bu əməllərindən əl çəkmir və erməni ekspertləri efirə çıxararaq, təxribatçı hərəkətlərini təkrarlayır. Bu cür təxribatlardan daha biri ötən gün “Rusiya-24” telekanalında yayımlanan proqramda baş verib.

“Rusiya-24”-ə müsahibə verən erməni politoloqlar- Semyon Baqdasarov və Hayk Xalatyan, Azərbaycanın Qarabağın qalan hissəsi üzərində tam suverenliyini nəzərdə tutan Vaşinqton sənədini “saxtakar həll” adlandırıblar.

Bu baradə çıxış edən S. Baqdasorav bildirib ki, Vaşinqton sənədi qəbul olunsa, ermənilər Azərbaycan qanunları altında yaşamalı olacaqlar: “Plan həyata keçərsə, Ermənistan faktiki olaraq Qarabağdan imtina etmiş olacaq. Bu, bir növ etnik təmizləmədir. Çətin ki, bundan sonra Ermənistandan, “dağlıq Qarabağ”dan olan ermənilər Azərbaycanda yaşamaq istəsin. Bu cür həyatla razılaşmayan bütün ermənilər oranı tərk edəcəklər”.

“Rusiya sülhməramlılarının münaqişə zonasından çıxarılması o deməkdir ki, burada əsas qərarı Ermənistanın indiki baş naziri yox, Bakı verəcək. Budur, Vaşinqton sənədi”,-Baqdasarov bildirib.

Hayk Xalatyan isə Vaşinqtonda sənədini Azərbaycanın özünün hazırladığı və Ermənistana təklif etdiiyi sülh müqaviləsi adlandırıb: “Hər iki dövlətin bir-birinin ərazi bütövlüyünü tanıması münaqişənin həllinə kömək edir. Sənəddə Ermənistan vasitəsilə Azərbaycanın ərazilərini birləşdirən magistral yoldan da söhbət gedir. Düşünürəm ki, bu halda Ermənistan tərəfi həmin ərazidə Rusiya hərbi bazasının yerləşdirilməsini təklif edə bilər”

Sonda rus aparıcı iddia edib ki, Azərbaycan ərazisində separatizmin qalıqlarının olması, regionda real və davamlı sülhə təminat verir.“Azpolitika”