AZ
RU
“Qarabağda sülhməramlılar yerləşdirilsin”
“Qarabağ münaqişəsinin hərtərəfli şəkildə tənzimlənməsinin əsas bəndlərindən biri bu bölgədə sülhməramlıların yerləşdirilməsi məsələsi ilə bağlı olmalıdır”
"Xeberinfo.com": Məlumata görə, bu bəyanatla İrəvanda televiziya nümayəndələri üçün keçirilən mətbuat konfransındakı çıxışında ATƏT-in Minsk Qrupunun amerikalı həmsədri Ceyms Uorlik çıxış edib.
C.Uorlikin sözlərinə görə, bir çox məsələlərə, o cümlədən Dağlıq Qarabağın əhalisinin öz iradəsini azad şəkildə ifadə etməsi, Qarabağa bitişik ərazilərin qaytarılması, qaçqınlar və s. məsələlərə dair razılaşmanı yalnız danışıqlar yolu ilə əldə etmək lazımdır. Bütün bunlar isə regionda beynəlxalq qüvvələrin yerləşdiriməsini nəzərdə tutur.
Amerikalı həmsədr bildirib ki, tərəflər bu detalların müzakirə ediləcəyi mərhələyə hələ gəlib çatmayıblar: “Lakin bu məsələlər münaqişənin birdəfəlik başa çatması üçün çox vacibdir. Həmin məsələlərin həlli regionun bütün xalqlarını qane etməlidir”.(virtualaz.org)
.jpg)