Bu gün şəhərdə daha bir küçənin açılışı oldu

    “Xeberinfo.com”:Bu gün Horadiz şəhərində işğal dövrü yandırılmış və dağıdılmış daha bir küçə əsaslı təmir və bərpadan sonra istifadəyə verilmişdir.

Açılışda ryon İcra Hakimiyyətinin başçısı  Alı Alıyev bildirmişdir ki, son üç ildə Horadiz şəhərində işğal dövrü dağıdılmış 6 küçədə abadlıq-quruculuq işləri görülmüş, küçələr yenidən qurulmuşdur.  Ümumi  uzunluğu 15 kilometrdən artıq olan həmin küçələr yenidən salınmış, yeraltı işıq sistemi çəkilmiş, divar və piyada səkilərinə müasir üslubda daş üzlüklər çəkilmiş, işıqforlar quraşdırılmış, yollar boyunca həmişəyaşıl ağaclar əkilmişdir.

Alı Alıyev Horadizdə, bütün rayonda Regionların Sosial-İnkişafına dair Dövlət Proqramının icrası ilə bağlı görülən işlərdən, qarşıda həyata keçiriləcək tədbirlərdən danışmışdır.

Çıxış edən yeni küçənin sakinləri həyat şəraitlərinin yaxşılaşdırılmasına, Horadiz şəhərində görülən işlərə görə ölkə başçısı cənab İlham Əliyevə minnətdarlıqlarını bildirmişlər.