Redaktor seçimi
Mingəcevirin İcra başçısı kütləvi narazılıq yaradır:  Sahibkar “Seyid”in xatirinə -
Anar Nağıyev beş yüz minlik tədbirləri harada keçirib ki, BSU-da heç kimi xəbəri yoxdu -
Gəncə Dövlət Universiteti belə idarə olunur: gündüzlər rektorun yanında, axşamlar isə...-
MÜLKİYYƏTƏ ZORAKILIQ: “Versal Palace” MTK-nın qanunsuz əməlləri və hüquqi fəsadları
“Olympus” MTK kütləvi narazılıq yaradır:
Abşeronda Birlik sədri “bulanıq suda belə gizlənir”:
Müəllim şərəfinə VƏFAsızlıq nümunəsi: Həm sözdə, həm əməldə RÜSVAYÇILIQ –
BSU-nun rektoru Anar Nağıyevə "İTTİHAM YAĞIŞI":
Günün xəbəri

68-dən olan namizədlər prezidentə müraciət etdi-"...total saxtakarlıqlar, ciddi qanun pozuntuları,..."

 

 68 saylı Cəlilabad kənd seçki dairəsindən deputatlığa namizədlər -Sakit Mirişov, Əfqan Quliyev, Davud Qurbanov, Mirbağır Bünyatov, Tacəddin Sücəddinov, Elnur Şükürov, Məhəmməd Əliyev, Fuad Əsgərov Prezident İlham Əliyevə birgə müraciət ünvanlayıb.

Surəti yenixeber.org-a daxil olmuş müraciətdə deyilir:

"Cənab Prezident! Biz yuxarıda adları çəkilən deputatlığa namizədlər Sizin çağırışınızla 9 fevral seçkilərinə böyük həvəs və coşqu ilə qatılsaq da, seçkiqabağı təbliğat və təşviqat dövründə qeyri-bərabər rəqabət mühitinin olması və seçki günü baş verən total saxtakarlıqlar, ciddi qanun pozuntuları, icra strukturlarının, dövlət məmurlarının seçkiyə müdaxiləsi nəinki ədalətli seçkilərə, ümumiyyətlə ölkədə müşahidə olunan islahatlara da inamımızı ciddi şəkildə sarsıtdı və bu islahatlara kölgə saldı.

Cənab Prezident! Yenə də ənənəvi üsullarla 68 saylı Cəlilabad kənd Seçki Dairəsində seçicilərin iradəsinin ziddinə olan nəticə elan olundu ki, bu da biz namizədlər və seçicilər tərəfindən etiraz ilə qarşılanmaqdadır. Bütün seçki məntəqələrində müşahidə olunan saxtakarlıq faktlarına etiraz etməyimizə baxmayaraq iradlarımız heç bir halda MnSK rəhbərləri tərəfindən qəbul olunmadı, ciddiyə alınmadı. Əksinə olaraq müşahidəçilərimiz təhqir olundu, alçaldıldı. Bəziləri isə polis zoru ilə məntəqələrdən uzaqlaşdırılmağa çalışıldı. Cənab Prezident! Ölkə başçısı kimi, konstitusion hüquqlarımızın qarantı olaraq biz namizədlərin və seçicilərin hüquqlarının bərpası üçün köməklik göstərməyinizi xahiş edirik.

Cənab Prezident! Biz bu məsələni ədalətlə həll edəcəyinizə ümidvar olaraq, bizim bu çağırışımıza dövlət başçısı kimi lazımi hüquqi addımlar atacağınıza əminik. Inanırıq ki, 68 saylı Cəlilabad kənd Seçki Dairəsinin nəticələrinin xalqın iradəsinə zidd olduğunu nəzərə alaraq seçkinin nəticələrinin ləğv olunması üçün lazımi hüquqi addımlar atacaqsınız".


Facebook-da paylaş

Yeni xəbərlər

Reklam

Reklam