AZ
RU
Yenixeber.org: Məlum olduğu kimi bir neçə gün əvvəl “Lady Sharm” mağazalar şəbəkəsinin məsul şəxsləri həbs olundu. Daxil olmuş şikayətləri araşdıran DİN Baş Mütəşəkkil Cinayətkarlığa Qarşı Mübarizə İdarəsi (“Bondotdel”) “Lady Sharm”ın mağazalarında müştərilərin aldadıldığını, sexlərdə tikilmiş malların dünya brendlərinin etiketləri vurularaq satıldığını müəyyən edib. Məlum olub ki, mağazalar şəbəkəsində brend adı ilə satılan məhsulların bir hissəsi “Binə” Ticarət Mərkəzindəki sexdə hazırlanırmış.
Bu olaydan sonra digər məşhur mağazalar şəbəkəsi də diqqət mərkəzinə gəldi. Hansı ki, bu mağazalarda da dünyaca məşhur brend məhsullar satılır. Özü də kifayət qədər yüksək məbləğə. Bir həqiqət də var ki, belə mağazalar şəbəkəsi haqqında ictimai rəy də birmənalı deyil...
Mediada yer alan məlumata görə artıq “Femina” xəz-dəri geyimləri də saxta etketlərlə satılır. Bununla yanaşı bir çox çeşidləri ilə əhalini aldadıb saxta malı bahalı brend adı altında Karolina Valiant da öz yerini alıb. Sosial şəbəkələrdə və televiziya ekranlarında xarici mal adı ilə yayılan reklam çarxları bir növ əhalini tələyə salmaq demekdir. Bu barədə aldadılmış bir qrup insanlar redaksiyamıza üz tutub.
İddialara görə. bütün saxtakarlıqlar “Binə” Ticarət Mərkəzindəki sexlərdə həyata keçirilir. Bu səbəbdən də ən çox narazılıq Karolina Valiant-ın məhsullarının keyfiyyətinin olmamasıdır ki, alıcılar aldadıldıqlarını deyir. Ucuz başa gələn keyviyyətsiz kürk və dəri məhsulları Karolina Valiantın işbazlarına yaxşı qazanc gətirdiyi də daxil olan məlumatda öz əksini tapıb.
Xatırladaq ki, Karolina Valiant təxminən on ildir ki, Azərbaycan və Rusiya bazarına çıxıb. Şirkətin məhsulları ölkəmizdə “Binə” Ticarət Mərkəzində sexlərdə hazırlanaraq mağazada satılır.(paytaxt.org-a)
Mövzu diqqətimizdədir.
