Vəkil Ramil Rüstəmov: “O, hər birimizin ləyaqətini alçaldıb”

Yenixeber.org: Milli qəhrəman Mübariz İbrahimov haqda səsləndirdiyi fikirlərə görə BDU-nun psixologiya fakültəsinin tələbəsi Nərmin Şahmarzadəyə qarşı Cinayət Məcəlləsinin üç maddəsi ilə iddia ərizəsi verilib.

Musavat.com xəbər verir ki, bunu N.Şahmarzadəni məhkəməyə verən vəkil Ramil Rüstəmov sosial şəbəkədəki statusunda yazıb.

Vəkil bildirib ki, N.Şahmarzadə barəsində 17 dekabr 2018-ci il tarixdə xüsusi ittiham qaydasında Xətai rayon məhkəməsinə müraciət ediblər: “Eyni zamanda onun əməllərində Cinayət Məcəlləsinin 274(dövlətə xəyanət), 276(cəsusluq),283( Milli ləyaqətin alçaldılması maddələrinin olması barədə həmin qadının bütün fəaliyyətinin araşdırılaraq hüquqi qiymət verilməsi barədə ərizələrlə Dövlət Təhlükəsizlik Xidmətininin, Baş Prokurorluğun, Daxili İşlər Nazirliyinin rəhbərlərinə rəsmi müraciətlər etmişik.

Bildirirəm ki, həmin qadın Milli qəhrəmanımız Mübariz İbrahimov haqqında təhqiramiz və böhtan sözlər söyləməklə milli qəhrəmanımızı ağır və xüsusilə ağır cinayət törətməkdə ittiham edir və eyni zamanda uşaq qatili erməni əsgərinin yerləşdiyi ərazini bizim ərazi kimi deyil, onların ərazisi kimi bildirməklə bizim ərazi suverenliyimizin və ərazi bütövlüyümüzün tanımadığını bildirir, həmçinin xalqımızın, bütün türk dünyasının milli ləyaqətinə, qürur mənbəyinə çevrilmiş Milli qəhrəmanımız Mübariz İbrahimova qarşı etdiyi həmin qadın qanunsuz əməli ilə bizim hər birimizin milli ləyaqətini alçaltmağa yönəldib. Mən hesab edirəm ki, həmin qadının əməlində cinayət əməli var və qanuna müvafiq olaraq hüquqi qiymət verilməklə cəzalandırılmalıdır”.(müsavat)

Sevinc