AZ
RU
Bakı, Xırdalan, Sumqayıtda evlər silkələnir- Zəlzələ deyilsə, bəs nədir? - FOTOLAR
Bu gün yerli saatla 16:30, 17:20 radələrində 2 dəfə uğultu səsi və binalarda titrəmə hiss olunub
Yenixeber.org: Bu, paytaxtın ayrı-ayrı yerlərində hiss olunub. Hətta Sumqayıt və Xırdalan şəhərlərində də eyni hadisənin yaşandığı sosial şəbəkələrdə paylaşılıb.
Maraqlı məqam ondan ibarətdir ki, titrəmə göy gurultusuna oxşar bir səsdən sonra yaranır.
Respublika Seysmoloji Mərkəzi isə Metbuat.az-a açıqlamasında zəlzələ ilə bağlı heç bir halın qeydə alınmadığını açıqlayıb.
Bu sualla bağlı Fövqəladə Hallar Nazirliyinin mətbuat xidmətinə zəng etsək də, telefonlarımıza cavab verən olmadı. Nazirliyin “112” Qaynar xəttindən isə bu barədə heç bir məlumatlarının olmadığını bildirdilər.
Maraqlıdır, Bakı, Xırdalan, Sumqayıtda evlər silkələnir, göydən qəribə uğultu səsi gəlir, Zəlzələ deyilsə, bəs nədir?
Hadisənin hansı səbəbdən baş verdiyini araşdırmağa çalışırıq.
