AZ
RU
Elza" lar meydanı keçirib ələ
Qulaqlar gündə bir söz eşitməsə,
Atalar deyib ki, yəqin kar olar.
Olanı görməyən biri var isə,
Dili danışsada gözü kor olar...
*****
İnsanda nə abır, nə həya qalıb,
Ağsaqqal, ağbirçək susub oturub.
Yaramaz insanlar talelər çalıb,
Əlini üzənlər küsüb oturub...
*****
Talelər dolaşıb qara qaytana,
Tərəqqi dayanıb yerində sayır.
Çatlayıb qovr edir yara qaytana,
"Elza"- nın dilini gəl, indi ayır!...
*****
" Elza" lar meydanı keçirib ələ,
Şeirim var söyləyib gözlərə soxur.
İnsanlar qınayır bəlkə min kərə,
"Tıkiş"i, "bitiş"i sözlərə soxur...
*****
Niyə bəs, bu belə utanmaz olub?
"Anar" da yaradır mümbit şərait...
Deyir ki, dərsliyə toxum səpəcək,
Tənqidi anlamır alır bərait...
*****
Söz yazan şairlər qalıb qıraqda,
Elza isə hər gün "tivi"lərdədir.
Şairlər hardadır tapaq çıraqla?!...
Elzanı görəndə qaçaq qıraqla?!...
*****
Elimin, obamın söz deyənləri,
Yaz deyir qələmlər, meydana çıxın.
Namusu tullayıb ar yeyənləri,
Sözilə onları divara sıxın!...
******
Düşməndən, torpaqdan Vətəndən yazın,
Şəhidi, qazini sevsin uşaqlar.
Şəhidin geydiyi kəfəndən yazın,
"Qarabağ bizimdir" desin uşaqlar!...
*****
Elza axı kimdir ki, önə çəkilsin,
Haqqında söhbətlər eli bürüyüb.
Şeirinin toxumu niyə əkilsin?
Tufandan sonrakı seli bürüyüb...
Təranə Şəms.27.09.2024
.jpg)
