AZ
RU
Müğənni tənqid etdi: Səhər verilişi aparır, 10 min alır
Elə aparıcılar var ki, zamanında daha nümunəvi, mədəni verilişlər aparıblar. Amma baxan olmayıb, maaşları da az olub.
Yenixeber.org xəbər verir ki, bu sözləri tanınmış müğənni Nadir Qafarzadə deyib.
O, səhər verilişi aparanlardan birinin külli miqdarda maaş aldığını bildirib.
“İndi adam tanıyıram ki, səhər verilişi aparır. 10 min manat maaş alır, hələ sponsorlardan faizlər də qazanır. Reytinqlərdə də birinci yerdədir. Verilişinə ən çox “qıjı”lar gəlir. Əcəb edir, camaat pul qazanmalıdır. Deməli, siz ona baxırsınız. Heç görmədim ki, "Mədəniyyət" kanalında, ya da digər kanallarda normal verilişə milyonlarla baxış gəlsin, reytinqə düşsün. Günahkar özümüzük, heç kimi günahkar etməyək. İçimizdə “qıjılıq”, zövqsüzlük var”, - müğənni əlavə edib.
