AZ
RU
Türkiyə səfiri:"İqtisadi əlaqələri genişləndirmək üçün ticarət yetərli deyil"
2018-ci ildə Azərbaycanla Türkiyə arasında ticarət dövriyyəsinin dəyəri 2017-ci ilə nisbətən təxminən 30% artaraq 3,4 milyard ABŞ dollarına çatıb.
Yenixeber.org: Bunu Türkiyənin Azərbaycandakı səfiri Erkan Özoral jurnalistlərə açıqlamasında bildirib.
Bununla belə, onun sözlərinə görə, bu rəqəm kifayət deyil: “2015-ci ildən sonra ticarət dövriyyəmizin 5 milyard dollarlıq səviyyəsi olub. Əsas məqsədimiz qısa zamanda həmin rəqəmi bərpa etmək və daha da artırmaqdır”.
Səfir Türkiyənin vitse-prezidentinin bir neçə gün əvvəl Bakıya etdiyi səfər barədə də danışıb və hökümətlərarası komissiyanın apardığı müzakirələrdə əsas məsələnin iqtisadi əlaqələrin daha genişləndirilməsi olduğunu vurğulayıb: “İqtisadi əlaqələrin daha da genişləndirilməsi vacibdir. Bunun üçün ticarətin yetərli olmadığını düşünürük. Hesab edirik ki, investisiyaların məbləği artırılmalıdır. Bundan sonra ona fokuslanacağıq”.
.jpg)
