“Bakı-Dehli arasında birbaşa aviareysin açılması iki ölkə arasında münasibətlərin inkişafına müsbət təsir göstərəcək”.

Yenixeber.org: Bunu Hindistanın Azərbaycandakı səfiri Bavitlunq Vanlalvavna bildirib.

"Ümid edirəm ki, açılmış yeni reys Hindistandan daha çox insanın Azərbaycana səfər etməsini təşviq edəcək. Bakı-Dehli reysinin açılması xalqlararası təmasların təşviqinə, həmçinin biznes əlaqələrin genişlənməsinə imkan yaradacaq”, - səfir bildirib.

Onun sözlərinə görə, Azərbaycan Hindistan turistləri arasında çox məşhur ölkədir: “Ötən il Hindistandan Azərbaycana 40 min turist gəlib. Bu ilin ilk beş ayında isə Hindistandan xaricə səfər edənlərin 2 faizi Azərbaycana gəlib”.

Xatırladaq ki, iyunun 25-dən Azərbaycan Hava Yolları” QSC (AZAL) Bakıdan Hindistanın paytaxtı və ən böyük şəhərlərindən biri olan Dehliyə birbaşa uçuşlara başlayıb. AZAL-ın reysləri hər həftənin II və V günləri ekonom və biznes sinif konfiqurasiyalı “Boeing-757” təyyarələri ilə həyata keçiriləcək. Uçuşlar Heydər ƏliyevBeynəlxalq Aeroportu Terminal 1-dən həyata keçirilir.